Fernando Lasama de Araujo dean katak Bandeiras tolu ne’e timor oan respeita maibe labele uza atu politiza fali ba intereses.

Fernando Lasama de Araujo dean katak Bandeiras tolu ne’e timor oan respeita maibe labele uza atu politiza fali ba intereses.

Maibe ami Povo kik no kiak Maubere, Frente tomak, Falintil Asuwain Liman Kroat Povo Maubere nia, Juventude Loriku Asuwain no Frente nia komponentes hottu2 hateten katak lia fuan nebe ke sai husi Lasama nia ibun be’ek nia laran ne’e la iha sentido ida. Maibe ninia lia hirak nebe refere mai ba ami ne’e reflekte ninia passadu kriminoso nebe nia uluk kedas nane iha nakukun laran nebe nia sai autor ba krise 2006 -2007 mak ikus mai to’o ohin loron nia fase liman tiha hanesan Pilatus husi ninia salah bo’ot nebe ke nia no nia komparsas balu nebe ke oin loron iha sira nia ukun laran iha GBK kah AMP II sei falun no subar hela sira nia“GOLPES NO KONSPIRASOENS” hasoru ami Povo kik no kiak Maubere nia politika nebe tuba metin iha KEBENARAN, KEJUJURAN DAN KEADILAN nia leten, tanba ami funu la’os atu ba interese Lasama no nia maluk mafiosos sira nia interese no nia gostu diabolikus sira nia nebe hakarak manipula hodi buka foti ninia a’an to’o lalehan hanesan mitos no maromak falsus iha Mundo nebe ke ita moris ne’e ninia laran i liliu iha ita nia Rai doben Timor Lorosae nia laran tomak hodi hasoru ami funu nain sira no mos ami nia Historia Resistensia to’o oin loron ne’e...

Lasama dena katak nia respeita Bandeiras tolu ne’e, maibe ninia hahalok nebe ke ita haré iha tinan kotuk ba ne’e nia haruka PNTL husi BOP kah UIR kah TASKFORCE kah ho tan boinas no unidades elites oin2 deit ba hatun no sobu Bandeiras Lulik tolu ne’e hanesan INSULTA no OFENSA bo’ot hasoru ami Fretelin, Falintil, Povo Maubere, Juventude Maubere no ami nia komponentes sira selseluk iha fatin2 hotu2 iha ami nia Rai doben Timor Lorosae tomak, nebe iha tinan barak no naruk nia laran ami lori ba funu hasoru ami nia invasor Indonesios to’o ami manan ami nia invasor nebe oin loron ema lubuk ida oportunistas nebe hori uluk lakohi ukun rasik a’an mak oin loron goza ho patarata hela iha ami nia mate restus sira nia leten ne’e. Portanto maluk Lasama lalika mai ho rai rahun no aitan atu so’e mai ba ami nia matan atu nune lohi no bosok nafatin opini publik nasional no internasional konforme imi nia kaprisios satanikus hirak ne’e...

Mauk Moruk la hanoin hanesan fascista, kolonialistas no invasores sira nia atan iha GBK ga AMP II nia laran nebe ke oin loron buka tun no buka sa’e atu halakun Historia lolos Funu Resistensia nia nebe ami hodi Ran no Isin, Kulit no Ru’in mak afoin ita restaura fila fali ita nia Independensia, se la’e ohin loron Lasama ho nia maluk sira kala sai TBO ba nia patraun invasores, bapak kabutasak sira karik? Maibe Mauk Moruk ne’e ninia hanoin mak atu defende nafatin ninia Povo kik no kiak Maubere nia intereses iha ukun nain maufeuk sira nia kekuatan politika befoer nia okos até ke Povo kik no kiak ne’e sai liebrtadu tebtebes duni i laiha konsesaun seluk...

Lasama presisa loke matan hodi le’e didiak saida mak jornalista Diario nia hakerek hodi ita nia lian tetum ho klareza tebtebes Mauk Moruk nia lian i lalika buka hodi manipula fali Historia nebe ke Povo kik no kiak Maubere halo ba hodi funu hasoru kolonialista portugues no invasor indonesio sira ho ninia asu nurak sira kah ninia lakaios hirak nebe ohin loron kokotek no hatenu nafatin iha ukun GBK kah AMP II nia mahon okos nebe Lasama halo parte ne’e ...

Tuir ami Frentistas, Povo Maubere tomak no ninia komponentes hotu2 ho nia Liman Kroat Falintill Asuwain hakarak hateten lolos ba Lasama katak Lasama hodi ninia mensagem kah bolu atensaun tan hodi dala rihun no tokon ida mos, Lasama ho ninia kantigas hirak ne’e, AMI MAK LA HAKIDUK TAN MILIMITER IDA NO MOS LA HAKFODAK LIU ONA HO AMEASAS PSIKOLOGIKAS HIRAK NE’E...AMI HODI AMI NIA KOMITMENT KATAK AMI HAHU ONA REVOLUSAUN HODI SOBU UKUN NAIN BOSOK TEN , LOHI TEN NO NAUK TEN SIRA NIA HAHALOK AGORA DADAUK I AMI NUNKA HAKFODAK LIU HO LASAMA HO NIA PAILASADAS SIRA NEBE KE MAI HO NIA ARROGANSIA NO NINIA PODER TIRANIKA NO FASISTA NIA ATU BUKA HANEAN OPOSISAUN NIA TUIR NIA HAKARAK KAH NIA GOSTU NEBE KE IHA BESIK PERIODU RUA NIA LARAN LIU BA KOTUK TO’O OIN LORON NE’E...

HONRA I GLORIA BA ITA NIA ASUWAIN SAUDOSOS MATEBIAN SIRA NEBE KE FAKAR RAN BA HODI LIBERTA RAI DOBEN IDA NE’E, NEBE OHIN LORON LASAMA HO NIA KOMPARSAS NEGA NAFATIN DADAUK NE’E!

VIVA POVO KIK NO KIAK MAUBERE!

VIVA FRETILIN!

VIVA ASUWAIN LIMAN KROAT POVO MAUBERE NIA GLORIOSAS FALINTIL!

VIVA JUVENTUDE MAUBERE NO LORIKU ASUWAIN NO MOS VIVA BA KOMPONENTES HOTU2 FRENTE NIA IHA NEBE DEIT NEBE TUBA NAFATIN IHA ITA NIA BANDEIRA RIHIN BESI ASU TOLU NEBE ITA HOTU2 REFERE NAFATIN NO AMI REAFIRMA ETERNAMENTE AMI NIA POSISAUN HODI DEFENDE TO’O MATE BANDEIRAS LULIK TOLU NE’E HUSI AMEASAS KAH INTIMIDASOENS POLITIKAS KAH MILITARES NO PSIKOLOGIKAS HUSI MAUFEUK LASAMA NO NINIA KOMPARSAS SIRA IHA ITA NIA RAI DOBEN TIMOR LOROSAE NIA LARAN TOMAK!

MATE KAH MORIS HAKARAK UKUN RASIK HO SISTEMA NEBE KE SERVE BA AMI NIA POVO KIK NO KIAK MAUBER NIA INTERESSE DO KE BA EMA OPORTUNISTAS LUBUK IDA NIA KABUN TASAK SIRA, HODI NUNE SIRA ATU GOZA NAFATIN AMI NIA SUSAR NO TERUS NEBE KE HODI MATAN WEN NO RAN TO’O OHIN LORON NE’E!...

Timor Lorosae, 27 Outubro 2013.-

Husi Povo kik no kiak Maubere nia lian, hakerek nain Maubere Tuba Rai Metin iha Ramkabian nian tutun iha Rai doben Timor Lorosae nia laran tomak!